د جلال اباد ښاروالۍ او دَ ولسوالۍ ښاروالانو تر منځ دَ افکارو او تجربو دَ تبادلې ناسته ترسره شوه

faiz_admin
دوشنبه ۱۴۰۱/۶/۲۱ - ۸:۳۲
نىوز

  د جلال اباد ښاروالۍ او ولسوالیو ښاروالانو ترمنځ د افکارو او تجربو د تبادلې ناسته ترسره شوه!

یاده ناسته د جلال اباد ښاروالۍ د غونډو په تالار کې برابره شوې وه، چې د جلال اباد ښاروالۍ مرستیال مولوي مومن حمید، د ښاري حکومتولی رئیسد مولوي محمد اجمل فقیر، د تورخم ښاروال غازی همت، د ننګرهار ولایت د بېلابېلو ولسوالیو ښاروالانو او د مختلفو داخلي آمریتونو آمرینو پکې برخه اخېستې وه. د پیل ویناء د ښاري حکومتولۍ رئیس مولوي محمد اجمل فقیر وکړه. نوموړي وویل، چې ددې ناستې نه یې موخه د چارو بهبود او ښه والی دی، ټولې هغه برخې چې نیمګړتیاوې ولري، د حل لپاره به یې په ګډه کار کوو، ترڅو ولسونو ته لا غوره خدمات وړاندې کړو او له خپل اړخ یې په دغه برخه کې د هر راز همکاریو ډاډ څرګند کړ. په ورته مهال د جلال اباد ښاروالۍ له لوري په بېلابېلو برخو کې د ستونزو، لاسته راوړنو او نوښتونو په تړاو پرزنټش برابر شوی وو، چې ګډونوالو ته پکې مختلف مهارتونو وښودل شول، چې له مخې به یې د عوایدو په راټولیدو، ساختمانې چارو، پلان جوړونې، انکشاف، ښاري خدماتو او نورو برخو کې اسانتیاوې رامنځته کولی شي. ددې ترڅنګ د ولسوالیو ښاروالانو په خپل نوبت سره خبرې وکړې او دا ډول پروګرامونه یې ګټور وبلل، چې له مخې به یې په ځينو برخو کې ستونزې حل او چارې به په ښه ډول مخته لاړې شې. په عین حال کې هر یو خپلې ستونزې او لاسته راوړنې مرستیال ښاروال سره شریکې کړې. په پای کې د جلال اباد ښاروالۍ مرستیال مولوي مومن حمید خبرې وکړې. نوموړي له ټولو ښاروالانو وغوښتل چې په خپلو ورسپارل شویو دندو کې له پوره صداقت او ایماندارۍ څخه کار واخلئ او د شرعي قوانینو مطابق د خپلو ولسونو او ښاریانو سره چال چلند وکړئ. په ورته مهال یې دوی ته د ستونزو د حل ډاډ ورکړ او د ورته تخنیکې پروګرامونو په جوړولو یې ټېنګار وکړ

تازه ترین اخبار

چهارشنبه ۱۴۰۱/۶/۲۳ - ۱۰:۴۹
Background image

د نهمې ناحیې اړوند دَ اتم ګذر لپاره معياري وکيل ګذر وټاکل شو

د جلال اباد ښار اړوند نهمې ناحیې اتم ګذر لپاره معیاري ګذر وکیل وټاکل شو. دا چې په جلال اباد ښار کې د ګذر وکیلانو معیاري کولو پروسه جریان لري نو په همدې اساس د نهمې ناحیې اتم ګذر لپاره. . .

چهارشنبه ۱۴۰۱/۶/۲۳ - ۱۰:۱۱
Background image

نهمي ناحيي اړوند شپږم ګذر لپاره معياري وکيل ګذر وټاکل شو

بســــم الله الــــرحمن الـــرحیم د جلال اباد ښار اړوند نهمې ناحیې شپږم ګذر کې د معیاري ګذر وکیل لپاره ټاکنې ترسره شوې . د جلال اباد ښار اړوند نهمې ناحیې شپږم ګذر کې د معیاري ګذر وکیل. . .

دوشنبه ۱۴۰۱/۶/۲۱ - ۸:۳۲
Background image

د جلال اباد ښاروالۍ او دَ ولسوالۍ ښاروالانو تر منځ دَ افکارو او تجربو دَ تبادلې ناسته ترسره شوه

د جلال اباد ښاروالۍ او ولسوالیو ښاروالانو ترمنځ د افکارو او تجربو د تبادلې ناسته ترسره شوه! یاده ناسته د جلال اباد ښاروالۍ د غونډو په تالار کې برابره شوې وه، چې د جلال اباد ښاروالۍ. . .

BACK TO NEWS